माघ २८,धनगढी : क्रिकेटको सहर धनगढीमा सम्पन्न अर्जुन ट्रफी राष्ट्रिय क्रिकेट प्रतियोगिताको उपाधि सिवाइसी अत्तरियाले जितेको छ ।

उपाधिका लागि धनगढी स्थित फाप्ला अन्तर्राष्ट्रिय क्रिकेट मैदानमा भएको फाइनल खेलमा फेण्ड्स क्लब डडेल्धुरालाई ३४ रनले हराउँदै अत्तरियाले उपाधि हात पारेको हो । उपाधि जितेको सिवाइसी अत्तरियाले नगद १० लाख र आकर्षक ट्रर्फी जितेको छ भने फेण्ड्स क्लब डडेल्धुराले उपविजेतामा चित्त बुझाएको छ ।

उस्ले नगद ५ लाख प्राप्त गरेको छ ।जितको लगि पाएकाे १ सय १९ रनको लक्ष्य डडेल्धुरा ८४ रनमा समेटियाे। डडेल्धुराका गजेन्द्र बाेहराले २४,कुशल भुर्तेलले २०,अशाेक धामीले १० रन बनाउनुबाहेक अन्यले दाेहाेराे अंकमा रन जाेड्न सकेनन् । बलिङमा अत्तरियाका शाहव आलमले ३,दिपेश कडेलले ३,कमल गुप्ता र विवेक यादवले २/२ विकेट लिए।