कार्तिक २ ,काठमाण्डौं : साफ माहिला च्याम्पियनसिपमा नेपाल र भुटान बीचको खेल गोल रहित बराबरीमा सकिएको छ । त्रिपुरेश्वरस्थित दशरथ रंगशालामा भएको खेलमा उपाधि दाबेदार नेपाललाई गोल रहित बराबरीमा रोक्दै भुटानले इतिहास रचेको छ । आजसम्म भुटानले नेपाल विरुद्ध खेलेका कुनैपनि खेलमा जित भन्दा पनि बराबरी समेत गर्न सकेको थिएन । तर आज भुटानी गोलकिपर संगीता मोंगेर नायक बन्दा साफ महिला च्याम्पियनसिपमा घरेलु टोली नेपाललाई गोलरहित बराबरीमा रोक्दै भुटानले इतिहास रचेको छ।
त्रिपुरेश्वरस्थित दशरथ रंगशालामा शुक्रबार भएको खेलमा नेपालले दर्जन अवसर बनाएपनि गोलमा परिणत गर्न सकेन । नेपालले यसअघिका चार भेटमा भुटानमाथि सहज जति हासिल गरेको थियो । अघिल्लो संस्करणमा भुटानले आफ्नो पहिलो खेलमा नेपालको सामना गरेको थियो। उक्त खेलमा सावित्रा भण्डारी र अनिता बस्नेतको सानदार प्रदर्शनमा नेपाल ४–० ले विजयी भएको थियो । अहिलेसम्म भुटानसँग भिड्दा नेपालले २३ गोल गरेको थियो । तर, एक गोल पनि बेहोर्न परेको थिएन । नेपालले अब दोश्रो खेल कार्तिक ४ गते माल्दिभ्स र कार्तिक ७ गते श्रीलंका विरुद्ध खेल्नेछ । समूह बी मा नेपाल सहित भुटान,श्रीलंका र माल्दिभ्स छ भने समूश ए मा भारत,पाकिस्तान र बंग्लादेश छन ।
