८श्रावण २०८२ः टी–१० क्रिकेट प्रतियोगिता नेपाल स्ट्रीट प्रिमियर लिग (एनएसपिएल) मा सहभागीका लागि खेलाडी दर्ता खुला भएको छ । आयोजक डिजीआर स्पोर्टस एन्ड इभेन्ट म्यानेजमेन्ट प्रालिले प्रतियोगितामा सहभागी हुन इच्छुक खेलाडीले आफ्नो नाम एनएसपिएलको आधिकारिक वेबसाइट वा खल्ती एपमार्फत भदौ ८ गतेसम्म दर्ता गराउन सक्न जानकारी दियो ।
दर्ता शुल्क ब्याटर र बलरका लागि १ हजार र तथा अलराउन्डरका लागि १ हजार २०० रुपैयाँ तोकिएको छ । टिम दर्ता प्रक्रिया यसअघि नै सुरु भइसकेको छ । प्रतियोगिता असोज १५ देखि २४ गतेसम्म मुलपानी क्रिकेट मैदान (तल्लो) मा हुनेछ । सात टिमको सहभागीता रहने प्रतियोगितामा कूल २४ खेल हुनेछ । एक अर्कासँग प्रतिस्पर्धा गरेपछि शीर्ष चार टोली सेमिफाइनलमा पुग्नेछन् । प्रतियोगिताको विजेताले २१ लाख र उपविजेताले ११ लाख रुपैयाँ प्राप्त गर्नेछन् ।
यो खबर पढेर तपाईलाई कस्तो महसुस भयो?
