फाल्गुन १७,धनगढी : कृष्णपुर नगरपालिका वडा न.५ गुलरीयामा रहेको कञ्चनजंगामा क्याम्पसमा बिबिएस दृतिय वर्षका विद्यार्थीहरुद्वारा बिबिएस प्रथम वर्षका विद्यार्थीहरुलाई स्वागत गरिएको छ । शनिबार क्याम्पस प्रांगणमा एक औपचारिक कार्यक्रमको आयोजना गर्दै नवआगन्तुक विद्यार्थीहरुलाई स्वागत गरिएको क्याम्पस प्रमुख सुदिप ओझाले जानकारी दिए ।
गुणस्तरीय शिक्षा र अतिरिक्त क्रियाकलापका लागि कृष्णपुर क्षेत्रमा लोकप्रिय रहेको कञ्चनजंगाले अघिल्लो वर्षबाट स्नातक तहमा व्यवस्थापन संकायको पठनपाठन सुरु गरेको थियो । अघिल्लो वर्षबाट मात्र स्नातक तहमा पठनपाठन सुरु भएपनि बिस्तारै विद्यार्थीहरु आफ्नो कलेजमा भर्नाको लागि आउने गरेको क्याम्पस प्रमुख ओझा बताउँछन ।
उनले यसपटक बिबिएस प्रथम वर्षमा ६० जना विद्यार्थी भर्ना भइसकेका भन्दै निकट भविष्यमै प्राविधिक विषयको पढाइ पनि सुचारु गरिने पनि बताएका छन । बिबिएस दृतिय वर्षकी छात्रा दिपा सिंहको अध्यक्षतामा सम्पन्न स्वागत कार्यक्रमा प्रमुख अतिथि क्याम्पसका संस्थापक अध्यक्ष खगेन्द्र प्रसाद ओझा रहेका थिए । त्यस्तै कार्यक्रमको विशिष्ट अतिथिमा संस्थापक पदम बहादुर ऐर,दिपेन्द्र देउवा,गायिका लक्ष्मी आचार्य रहेकी थिइन भने कार्यक्रमको सञ्चालन केपी कलौनी र अमृता बमले गरेका थिए ।
