८श्रावण २०८२ः डेनमार्कको राजधानी कोपेनहेगनमा निजी तथा आवासीय विद्यालय अर्गनाइजेसन नेपाल (प्याब्सन) केन्द्रीय कार्यसमितिको आयोजनामा ‘शैक्षिक भ्रमण तथा नेतृत्व विकास सम्बन्धी सेमिनार’ सुरू भएको छ।सो सेमिनारको उद्घाटन डेनमार्कका लागि नेपाली राजदूत सुम्निमा तुलाधरले गरेकी हुन्। उद्घाटन समारोहमा बोल्दै राजदूत तुलाधरले युरोपका उत्तरी देशहरूले शिक्षामा गरिरहेको प्रगतिशील अभ्यास नेपाली विद्यालयहरू र विद्यार्थीहरूका लागि पनि लाभदायक हुने बताइन् । प्याब्सनले यस्ता कार्यक्रम आयोजना गर्नु अत्यन्त सराहनीय रहेको उनको भनाइ थियो। ‘युरोपका देशहरूले शिक्षामा निकै फड्को मारेका छन् । नेपाली विद्यालयहरूले पनि पछिल्ला वर्षमा उल्लेखनीय प्रगति गरेका छन्। अब बालबालिकाको समग्र हितका लागि सामुदायिक विद्यालयहरूलाई समेत सुदृढ बनाउँदै लैजान जरुरी छ,’ राजदूत तुलाधरले भनिन् ।
‘आफ्नो कार्यकालमा दुईवटा अन्तर्राष्ट्रिय सम्मेलन गर्दै नेपालको शिक्षा प्रणाली र विश्वका अभ्यासबीच आदानप्रदान गर्ने प्रयास गर्दै आएको छु,’ ढुंगानाले भने, ‘शिक्षाको समग्र विकासका लागि राज्यका सबै तहका निकायहरू मिलेर काम गर्न जरुरी छ। निजी विद्यालयहरूले गरेको योगदानलाई राज्यले सम्मान गर्दै उनीहरूको क्षमतालाई शिक्षाको हितमा प्रयोग गर्नुपर्ने आवश्यकता छ।’ कार्यक्रममा ग्लोबल हेल्प फाउन्डेसनका प्रतिनिधिहरू सञ्जीव भट्टराई र प्रकाश खड्काले सहजीकरण गरेका थिए । सेमिनारमा सहभागी टोली जुलाई २२ मा काठमाडौँबाट प्रस्थान गरेको हो भने आगामी जुलाई ३१ मा पुनः काठमाडौँ फर्किने कार्यक्रम रहेको जानकारी आयोजकहरूले दिएका छन्।
सुदूरपश्चिमबाट सिंह सहभागी
डेनमार्कको राजधानी कोपेनहेगनमा निजी तथा आवासीय विद्यालय अर्गनाइजेसन नेपाल (प्याब्सन) केन्द्रीय कार्यसमितिको आयोजनामा ‘शैक्षिक भ्रमण तथा नेतृत्व विकास सम्बन्धी सेमिनारमा सुदूरपश्चिम प्रदेशबाट योगेन्द्र बहादुर सिंहको उपस्थिति रहेको छ ।
प्याब्सन धनगढी नगर कमिटीका कोषाध्यक्ष समेत रहेका सिंह धनगढी उपमहानगरपालिका वडा नं. ०८ कान्तिपुर टोलमा रहेको डिस्कभरी इङ्लिस बोर्डिङ्ग स्कुलका संस्थापक प्रार्चाय हुन् ।
यो खबर पढेर तपाईलाई कस्तो महसुस भयो?
