२४ भाद्र,२०८२ः प्रधानमन्त्री पदको राजीनामा स्वीकृत भएपछि केपी शर्मा ओली बालुवाटारबाट बाहिरिनु भएका छन । आजै पठाएको राजीनामा राष्ट्रपति रामचन्द्र पौडेलले स्वीकृत गरेपछि उनी बालुवाटारबाट बाहिरिएका हुन्।हिजोदेखि शुरू भएको जेन जीु युवा पुस्ताको आन्दोलन चर्किएपछि ओलीले राष्ट्रपति पौडेललाई राजीनामा बुझाएका हुन् । ओली गएको वर्ष असारमा प्रधानमन्त्रीमा नियुक्त भएका थिए ।
जेन जी प्रदर्शनमा भएको अत्यधिक बल प्रयोग र एकैदिनमा ठूलो सङ्ख्यामा मानिसहरू मारिएपछि विपक्षीसहित सत्ता साझेदार कांग्रेसका नेताहरूले समेत प्रधानमन्त्रीको राजीनामा माग गरेका थिए । चार जना सङ्घीय मन्त्रीले सरकार छोडेपछि प्रधानमन्त्री ओलीले राजीनामा दिएका हुन्।
जेन जी प्रदर्शनकारीहरूले प्रधानमन्त्रीको राजीनामा र नागरिक सरकारको माग गरेका छन् । स्वतःस्फूर्त रूपमा भएको युवा पुस्ताको आन्दोलनमा व्यापक बल प्रयोग हुँदा हिजो १९ जनाको ज्यान गएको थियो ।
यो खबर पढेर तपाईलाई कस्तो महसुस भयो?
