धनगढी १३ मोहनपुरमा रहेको विद्याभुषण पब्लिक स्कुलले खेल सप्ताहको अवसर पारेर रक्तदान कार्यक्रम आयोजना गरेको छ । उक्त रक्तदान कार्यक्रममा ११ पिन्ट रगत जम्मा भएको विद्यालयका संस्थापक प्रिन्सिपल डिकेन्द्र जंग कुँवरले जानकारी दिए । खेल सप्ताहको अवसरमा दन्त जाँच कार्यक्रम पनि आयोजना गरिएको थियो ।
मानसरोबर डेन्टल क्लिनिकका दन्त चिकित्सक एच.पी.महतोको टोलीद्वारा ५३ जना अभिभावक र ३० जना शिक्षक तथा कर्मचारीहरुको दन्तजाँच गरिएको थियो ।
विद्यालय प्रशासनले खेल सप्ताहलाई केवल खेलकुदमा मात्र सिमित नराखी सामाजिक तथा स्वास्थ्य सम्बन्धी कार्यक्रमसँग जोडेर विद्यार्थीहरूमा सामाजिक जिम्मेवारी र स्वास्थ्यप्रतिको सचेतना बढाउने उद्येश्यका साथ यस्ताखाले कार्यक्रम आयोजना गर्दै आएको प्रिन्सिपल कुँवरले बताए ।
विभिन्न रचनात्मक कार्यक्रमहरु गर्दै पौष २९ गतेबाट सुरु भएको खेल सप्ताह माघ ७ गतेसम्म समापन हुनेछ ।
यो खबर पढेर तपाईलाई कस्तो महसुस भयो?
