नेपाल प्रिमियर लिग (एनपीएल)को तेस्रो संस्करणमा अहिलेसम्म सबैभन्दा विकेट हरमित सिंहले लिएका छन्। जनकपुर बोल्ट्सबाट खेलिरहेका सिंहले ६ खेलमा ११ विकेट लिएका छन्। यसका लागि उनले १३७ रन खर्चिएका छन्। उनको इकोनमी ५.८२ रहेको छ।

उनलाई चितवन राइनोजका रिजन ढकालले पछ्याइरहेका छन्। ढकालले चार खेलमा १० विकेट लिएका छन्। उनको इकोनमी ६.७५ रहेको छ। त्यसपछि तीन खेलाडीले समान नौ विकेट लिएका छन्। चितवन राइनोजका कमलसिंह ऐरीले चार खेलमा नौ विकेट लिएका छन्। उनको इकोनमी ५.८० रहेको छ।

नौ विकेट लिने अर्को खेलाडी जनकपुर बोल्ट्सका राहुल यादव हुन्। उनले ६ खेलमा ६.९५ को इकोनमी राख्दै नौ विकेट लिएका हुन्। तेस्रो खेलाडीमा कर्णाली याक्सका सोमपाल कामी छन्। उनले पाँच खेलमा ८.८२ को इकोनामी राख्दै नौ विकेट लिएका हुन्।

त्यसपछि चार खेलाडीले समान आठ विकेट लिएका छन्। लुम्बिनी लायन्सका शेर मल्ल, सुदूरपश्चिममा अनिल खरेल, काठमाडौं गोर्खाजका जहानदाद खान र सुदूरपश्चिमका स्कट कुगेलजिन छन्। सर्वाधिक विकेट लिने खेलाडीको सूचीमा दशौं नम्बर जनकपुरका मोइन अली छन्। उनले चार खेलमा सात विकेट लिएका छन्। उनको इकोनमी ४.८५ रहेको छ।

सर्वाधिक रन बनाउने खेलाडीको सूचीमा लोकश बम शीर्षस्थानमा छन्। उनले पाँच खेलमा दुई अर्धशतकको मद्दतले १९४ रन बनाएका छन्। एनपीएलमा लिग चरणका अब सात खेल मात्रै बाँकी छन्। अहिलेसम्म २१ खेल भइसकेका छन्। बिहीबार विराटनगर किंग्स र पोखरा एभेन्जर्स प्रतिस्पर्धा गर्नेछन्। यो खेल मध्याह्न साढे १२ बजे सुरु हुनेछ।

भाइटीकाको दिन कैलालीको डोकेबजारदेखि अत्तरियासम्म निःशुल्क बस सेवा सञ्चालन गरिएको छ। नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरियाको समन्वय तथा नवजीवन अस्पताल प्रालिको सहकार्यमा आज दिनभर निःशुल्क बस सेवा सञ्चालन गर्न भइरहेको हो।

भाइटीकाका दिन यात्रुहरूलाई सहज आवागमनको व्यवस्था मिलाउने उद्देश्यले सेवा सञ्चालन गरिएको जनाइएको छ।यसैबीच, प्रहरीले सवारी चालक तथा यात्रुहरूलाई ट्राफिक नियमको पूर्ण पालना गर्न, मादक पदार्थ तथा लागुपदार्थ सेवन गरी सवारी नचलाउन र तीव्र गतिमा सवारी नचलाउन आग्रह गरेको छ। सुरक्षित यात्रा गर्न तथा सडक दुर्घटना न्यूनीकरणमा सहयोग पुर्‍याउन पनि प्रहरीले अनुरोध गरेको छ।