६भाद्र,२०८२ः प्लानिङ ब्वाइज युनाइटेडले एन्फा यु–१६ युथ लिगमा शुक्रबार सातदोबाटो युथ क्लबविरुद्ध ३–२ को रोमाञ्चक जित दर्ता गरेको छ ।
जितसँगै १४ खेलमा १० अंक जोडेको प्लानिङ ब्वाइज १२औं स्थानमा छ । १४ वटै खेलमा पराजित सातदोबाटो अंकविहिन हुँदै पुछारमा छ । च्यासल रंगशालामा प्लानिङ ब्वाइजलाई जित दिलाउन ओम खड्का, रविन लुंगेलीमगर र दर्शन केसीले गोल गरे ।सातदोबाटोका लागि अश्विन पौडेल र डेविट सिवाकोटीले गोल फर्काए । खेलको १८औं मिनेटमा ओमको गोलमार्फत प्लानिङ ब्वाइजले अग्रता लिएको थियो । दुई मिनेटपछि नै रविनले टोलीको अग्रता दोब्बर बनाए ।
दर्शनले ३६औं मिनेटमा गोल गर्दा प्लानिङ ब्वाइजले पहिलो हाफमै ३–० को अग्रता लिएको थियो । सातदोबाटोले दोस्रो हाफमा उत्कृष्ट प्रदर्शन गरे पनि खेलमा फर्किन भने सकेन । सातदोबाटोका लागि अश्विनले ५३ र डेविटले ८१औं मिनेटमा गोल गरेका थिए । शुक्रबारै सम्पन्न अर्को खेलमा मनाङ मस्र्याङदी क्लबले श्री भगवती क्लबविरुद्ध १–० को कठिन जित दर्ता गर्यो ।
यो खबर पढेर तपाईलाई कस्तो महसुस भयो?
