पौष १९,धनगढी: नेकपा एमालेका स्थायी कमिटी सदस्य कर्णबहादुर थापाले पार्टीका तीन नेतामाथि भएको कारबाहीको आलोचना गरेका छन्।
थापाले एमाले अध्यक्ष केपी ओलीलाई लक्षित गर्दै पार्टीमा स्वस्थ राजनीतिक र वैचारिक बहस गर्नु हरेक राजनीतिक नेता/ कार्यकर्ताको धर्म भन्दै विचार र विश्लेषणको शृंखला टुटेमा राजनीतिक धरातल नै सकिने चेतावनी पनि दिएका हुन्। सामाजिक सञ्जाल फेसबुकमा उनले लेखेका छन ।
स्वस्थ्य राजनीतिक, बैचारिक बहस गर्नु हरेक राजनीतिक नेता कार्यकर्ताको धर्म हो । तोकिएको विधि बमोजिम गरिने बहसलाई बन्देज गर्ने कुरा कुनै दृष्टिकोणले उचित मानिदैन । अराजकता र अनुशासनहिता पनि कही स्वीकार्य हुदैन । विचार र विष्लेषणको सृङखला टुट्यो भने राजनीतिक धरातल सकिन्छ र एक हिसाबले भन्ने हो भने राजनीतिकर्मीको मृत्युु हुन्छ । विचारमा आधारित भएर राजनीतिक बहस गरौ । सबै प्रकारका असन्तुष्टहरूको विरोधको निशाना बनेको एमालेलाई बैचारिक हतियारको बलबाटै मजबुत पार्न सकिन्छ । एमालेको सम्पूर्ण पंक्ति यस दिशातिर अगाडि बढ्नु उचित हुनेछ । असभ्यताको प्रदर्सन असामाजिक र गैरराजनीतिक भएकाले कसैका लागि हितकर हुदैन ।
पुस १० गतेको एमाले सचिवालय बैठकले पूर्वउपाध्यक्ष डा भीम रावललाई पार्टीबाटै निष्काशन, स्थायी समिति सदस्य डा विन्दा पाण्डे र केन्द्रीय सदस्य उषाकिरण तिम्सेनामाथि ६ महिना पाँच महिना निलम्बन गरेको थियो।
यो खबर पढेर तपाईलाई कस्तो महसुस भयो?
