८श्रावण २०८२ः धनगढी उपमहानगरपालिका–५ मा अवस्थित शैलेश्वरी बोर्डिङ स्कुलको व्यवस्थापन टिमले फारवेस्ट सेकेन्डरी स्कुल पनि खरिद गरेको छ । अबदेखि फारवेस्ट स्कुल शैलेश्वरी टिमको नयाँ व्यवस्थापनमा सञ्चालन हुने भएको छ । शैलेश्वरी बोर्डिङ स्कुलका प्रिन्सिपल जगन्नाथ जोरा र व्यवस्थापक नृप बहादुर वड दुवैले फारवेस्ट स्कुल व्यवस्थापनको जिम्मा लिएका हुन् ।
वि.सं. २०६० सालमा शैलेश्वरी बोर्डिङ स्कुलको स्थापना भएको थियो । जोरा सन् २०७२ सालमा शैलेश्वरीमा लगानीकर्ताको रूपमा भित्रिएका हुन भने वड शैलेश्वरी बोर्डिङ स्कुलका संस्थापक नै हुन । जोरा नेतृत्वको शैलेश्वरी बोर्डिङ स्कुलमा हाल ११०० विद्यार्थी अध्ययनरत छन् । धनगढी उपमहानगरपालिका–५ मा अवस्थित यो विद्यालयले लामो समयदेखि गुणस्तरीय शिक्षा प्रदान गर्दै आइरहेको छ ।
अब शैलेश्वरी स्कुलका अनुभवी व्यवस्थापक र शैक्षिक नेतृत्वकर्ताद्वारा उक्त स्कुललाई गुणस्तरीय शिक्षाको उदाहरण बनाउने तयारी गरिएको छ । धनगढी उपमहानगरपालिका–५ मा जाइँमै अपस्थित फारवेस्ट सेकेन्डरी स्कुल २०४८ सालमा स्थापना भएको धनगढी कै पुरानो संस्थागत विद्यालयको रुपमा चिनिन्छ । हाल उक्त विद्यालयमा ३५० विद्यार्थी अध्ययनरत छन् ।
नयाँ व्यवस्थापनको सुरुवातसँगै फारवेस्ट सेकेन्डरी स्कुलमा आधुनिक शिक्षण प्रणाली, विद्यार्थी–अभिमुखी कार्यक्रमहरू,अनुभवी शिक्षकहरूको सहभागिता र समुन्नत शैक्षिक वातावरणको तयारी थालिएकोे प्रिन्सिपल जगन्नाथ जोराले बताए । उक्त व्यवस्थापकको टिमले फारवेस्ट स्कुललाई नयाँ उचाइमा पुर्याउने विश्वास लिएसंगै शैलेश्वरी र फारवेस्ट सेकेन्डरी स्कुलको व्यवस्थापक टिम एउटै भए पनि दुबै स्कुल आ-आफ्नै स्थानबाट शैक्षिक गतिविधि अगाडी बढाउने गरी काम अघि बढेको प्रिन्सिपल जोराले बताए ।
यो खबर पढेर तपाईलाई कस्तो महसुस भयो?
