धनगढीको नवजीवन अस्पताल प्रा.लीले रसुवाका बाढी प्रभावितलाई सहयोग गरेको छ । नवजीवन अस्पतालले बाढी प्रभावितको राहतका लागि प्रधानमन्त्री दैवी उद्दार कोषमा दुई लाख २२ हजार दुई सय २२ रुपैयाँ सहयोग रकम जम्मा गरेको हो ।
अस्पतालका कार्यकारी निर्देशक चक्र खडायतले सामाजिक उत्तरदायित्व अन्तरगत बाढी प्रभावितका लागि प्रधानमन्त्री दैवी उद्दार कोषमा उक्त सहयोग रकम जम्मा गरिएको जानकारी दिए ।
उनकाअनुसार कोषमा सो रकम बुधबार जम्मा गरिएको हो । साथै अस्पतालले बाढीमा परेर घाइते भएकाहरुको शिघ्र स्वास्थ्य लाभको कामना गरेको छ । ज्यान गुमाएकाप्रती दुःख व्यक्त गर्दै श्रद्धाञ्जली दिदै सम्पर्कविहीन नागरिक सकुशल फेला परुन भन्ने कामना समेत अस्पतालले गरेको छ ।
यो खबर पढेर तपाईलाई कस्तो महसुस भयो?
