१९ श्रावण,२०८२ : म्याट्रिक्स फाइट नाइट (एमएफए १७) मा बान्टमवेट च्याम्पियन विजेता रवीन्द्र ढाँट सोमबार भारतबाट काठमाडौं आइपुगेका छन् । भारतका साविक विजेता चोङ्गरेङ्ग कोरेनलाई हराउँदै टाइटल बेल्ट जितेका रवीन्द्रलाई त्रिभुवन विमानस्थलमा भव्य स्वागत गरिएको छ । अस्ती शनिबार भारतको नोएडामा सम्पन्न म्याट्रिक्स फाइट नाइट ( एमएफएन) मा टाइटल होल्डर चोंगरेंग कोरेनलाई पराजित गदै पहिलो पटक एमएमएमा नेपाललाई उपाधि दिलाएका थिए । तेस्रो राउन्डमा ढाँटले कोरेनलाई नकआउट गर्दै च्याम्पियन बनेका थिए ।

व्यावसायिक फाइटमा नवौं जित दर्ता गर्दै ढाँटले एमएफएनको बान्टमवेट श्रेणीको बेल्ट पनि हात पारेका हुन । म्याट्रिक्स फाइट नाइटमा साविक विजेता कोरेनलाई हराउँदै बान्टमवेट बेल्ट जितेपछि रविन्द्र ढाँटले आफ्नो प्रशिक्षक तथा मेन्टर दिविज पिया लामालाई जित समर्पण गरेका थिए ।

नेपालको चर्चित एमएमए प्रतियोगिता नेपाल वारियर्स च्याम्पियनसिप ९ एनडब्लुसी० को संस्थापक समेत रहेका दिविजले नै रविन्द्रलाई लामो समयदेखि प्रशिक्षण तथा मेन्टरसिप गर्दै आएका छन् । ढाँट सुदूरपश्चिमेलीबासी हुन,उनको घर बझाङ जिल्लामा पर्दछ ।

यो खबर पढेर तपाईलाई कस्तो महसुस भयो ?