६भाद्र,२०८२ःअस्ट्रेलियामा जारी टप एण्ड टी–२० सिरिजअन्तर्गत आफ्नो छैटौँ खेलमा पाकिस्तान साहिन्सविरुद्ध नेपालले छैटौँ विकेट लिएको छ ।
नेपाललाई पाँचौं र छैटौँ सफलता फास्ट बलर नन्दन यादवले दिलाए । उनले १०.१ ओभरमा यही प्रतियोगितामा शतक प्रहार गरिसकेका अब्दुल समदलाई २६ रन तथा यही ओभरको चौथो बलमा मुबासिर खानलाई तीनमा रनमा आउट गरे ।
नेपाललाई चौथो तीव्र गतिका बलर सफलता सोमपाल कामीले दिलाए । उनले ८.३ ओभरमा गाजी घोरीलाई चार रनमा बोल्ड गरे । टस हारेर बलिङको मौका पाएको नेपाललाई तेस्रो सफलता कुशल भुर्तेलले दिलाए ।
उनले ७.५ ओभरमा ओपनर यासिर खानलाई १८ रनमा क्याच आउट गराए । त्यसअघि नेपालले दोस्रो ओभरमै पाकिस्तानको दुई विकेट लिएको थियो । नेपाललाई पहिलो र दोस्रो सफलता उपकप्तान दीपेन्द्र सिंह ऐरीले दिलाए । उनले २.३ ओभरमा माज सदाकतलाई एक तथा मोहम्मद फैकलाई दुई रनमा आउट गरे । प्रतियोगितामा नेपाल तेस्रो जितको खोजीमा छ ।
नेपाल पाकिस्तान साहिन्सविरुद्ध उत्कृष्ट प्रदर्शन गरेर प्रतियोगिताको सुखद अन्त्य गर्न चाहन्छ । उता पाकिस्तानको टोली नेपाललाई हराएर तालिकाको शीर्ष स्थानमा उक्लिने दाउमा छ । अहिले दोस्रो स्थानमा रहेको उसले पाँच म्याच खेल्दासम्म तीनमा जित र दुई खेलमा हार बेहोरेको छ ।

यो खबर पढेर तपाईलाई कस्तो महसुस भयो ?