१२ भाद्र २०८२ः घरेलु टोली आसाम प्रदेश क्रिकेट संघले पहिलो अभ्यास ट्वान्टी–२० खेलमा नेपाल ‘ए’ सामु १९१ रनको लक्ष्य प्रस्तुत गरेको छ ।गुवाहटीमा टस हारेर ब्याटिङको निम्तो पाएको आसामले निर्धारित २० ओभरमा आठ विकेट गुमाउँदै १९० रनको योगफल तयार पार्यो ।
आसामका लागि सुमित घाडीगाँउकरले ३४, अभिनव चौधरीले २६, आकाश सेनगुप्ताले अविजित २४, रोहित शेनले २४, सुमित काश्यपले २२, साहिल जैनले १७ तथा अविलश गोगोइ र आयुशमान मालाकारले समान १३ रन बनाए । नेपालका लागि आकाश चन्दले तीन, सागर ढकाल र विवेककुमार यादवले समान दुई तथा आदिल आलम अन्सारीले एक विकेट लिए ।
यो खबर पढेर तपाईलाई कस्तो महसुस भयो?
