असार ८,धनगढी : प्रशिद्ध जैशी र रौनक श्रीवास्तवको सानदार ब्याटिङसँगै साबिक विजेता नेपालले एसिसी यु १६ क्रिकेट इस्ट कपमा विजयी सुरुआत गरेको छ। आइतबार सम्पन्न खेलमा नेपाल ६ विकेटले विजयी भएको हो। सिंगापुरले दिएको १३९ रनको लक्ष्य नेपालले ३३.४ ओभरमा ४ विकेट गुमाउँदै पूरा गरेको हो।
नेपाललाई जित दिलाउन प्रशिद्धले अविजित रहँदै ५५ रन बनाए। ९७ बल खेलेका उनले ५ चौका प्रहार गरे। रौनकले भने ४४ बलमा ५ चौका र १ छक्कासहित ४० रनको योगदान दिए। अन्य ब्याटरको भने राम्रो प्रदर्शन हुन सकेन। सिंगापुरका आकाश तेजाले ३ तथा युभान पाण्डेले १ विकेट लिए।
त्यसअघि मलेसियाको युकेएम ओभलमा टस जितेर ब्याटिङ थालेको सिगांपुरले ३६।१ ओभरमा सबै विकेट गुमाएर १३८ रन बनाएको थियो। सिंगापुरका कप्तान रियान नायकले सर्वाधिक ५३ रन बनाए। ५३ बलमा उनले ९ चौका प्रहार गरे। ओपनर आहान भुधानभाम ३८ र अर्का ओपनर रोशन अरुन ११ रनमा आउट भए।
नेपालका कप्तान विपिनप्रसाद शर्माले सर्वाधिक ४ विकेट लिए। १० ओभर बलिङ गरेका उनले १ मेडनसहित ३४ रन खर्चिए। सचिन भट्टले ३ तथा शुभम खनाल र अभय यादवले समान १ विकेट लिए। नेपालले आफ्नो दोश्रो खेल २४ जुनमा जापान विरुद्ध खेल्नेछ ।
यो खबर पढेर तपाईलाई कस्तो महसुस भयो?
