पूर्व क्रिकेटर तथा बंगलादेश क्रिकेट बोर्ड (बीसीबी) का चिफ सेलेक्टर फारुख अहमद बंगलादेश क्रिकेट बोर्डको अध्यक्षमा नियुक्त भएका छन् । निर्वतमान अध्यक्ष नजमुल हसनले राजीनामा दिएपछि अहमदले बोर्डका अध्यक्षको जिम्मेवारी सम्हाल्ने भएका हुन् ।हसनले बुधबार बोर्डको अध्यक्षको पद त्याग्ने बताएपछि बोर्डको नयाँ अध्यक्षको रुपमा अहमदले जिम्मेवारी सम्हाल्ने भएका हुन् । हसनले बीसीबीमा रही आफ्नो ४ वर्षे कार्यकाल पूरा गरेका थिए ।

फारुखले बंगलादेशका लागि सन् १९८८ देखि १९९९ सम्म ७ वटा एकदिवसीय खेल खेलेका थिए । उनले १९९४ मा आइसीसी ट्रफीमा बंगलादेशको नेतृत्व सम्हालेका थिए ।

यो खबर पढेर तपाईलाई कस्तो महसुस भयो ?