धनगढीको फाप्लामा जारी कैलाली जिल्ला विद्यालय स्तरीय क्रिकेट च्याम्पियनसिपमा विद्या भुषण पब्लिक स्कुल सेमिफाइनलमा प्रवेश गरेको छ । बिहिबार अत्तरीयाको सत्यवती एकेडेमीलाई ७ विकेटले पराजित गर्दै विद्याभुषणले सेमिफाइनलको टिकट पक्का गरेको हो । समूह इ मा रहेको विद्याभुषणले लिगचरणका चारै खेल जित्दै समूह विजेता बनेर क्वाटर फाइनल प्रवेश गरेको थियो ।
सत्यवतीले दिएकोे ७५ रनको लक्ष्य विद्याभुषणले ८.१ ओभरमा ३ विकेट गुमाएर पूरा गर्यो । विद्याभुषणका लागि प्रतिक दौल्यालले अविजित ४२ रनको उत्कृष्ट पारी खेले । ३२ बलको सामना गरेका दौल्यालले ५ चौका हिर्काए । त्यस्तै विज्ञान बोहराले अविजित २० रनको महत्वपूर्ण योगदान दिए ।सत्यवतीका लागि निरज भट्राई र अस्मित ऐरले समान एक एक विकेट लिए ।
त्यसअघि टस जितेर पहिला ब्याटिङ गरेको सत्यवती एकेडेमीले निर्धारित १० ओभरमा ९ विकेट गुमाएर ७४ रनको योगफल तयार पारेको थियो । सत्यवतीका लागि आदित्य खड्काले सर्वाधिक १३ तथा राजेश महराले अविजित १२ रन बनाउनु बाहेक अन्य ब्याटरले उल्लेखनिय प्रर्दशन गर्न सकेनन ।
बलिङतर्फ विद्याभुषणका संसार बोहरा एक्लैले ३ विकेट चट्काए । आफ्नो कोटाको २ ओभर बलिङ गरेका बोहराले मात्र १४ रन खर्चेर ३ विकेट लिन सससफल भए । उनी खेलको म्यान अफ दी म्याच चुनिए । त्यस्तै दिपक गोयलाले दुई तथा कप्तान विकेक दुवाल र पियुष बोहराले ससशमान एक एक विकेट लिए ।अब भोली शुक्रबार बिहान आठ बजे पहिलो सेमिफाइनलमा विद्याभुणले लम्कीको पायोनियर स्कुलसँग फाइनल प्रवेशका लागि प्रतिस्पर्धा गर्नेछ ।
जिल्ला क्रिकेट संघ कैलालीले आयोजनामा गत जेष्ठ १५ गतेबाट सुरु भएको प्रतियोगीतामा कैलाली जिल्लाभरका ३६ विद्यालय सहभागी छन । प्रतियोगीताको फाइनल खेल आउँदो सनिबार धनगढीको फाप्ला मैदानमा आयोजना हुने जिल्ला क्रिकेट संघ कैलालीका सचिव देव नारायण झाले बताएका छन ।
यो खबर पढेर तपाईलाई कस्तो महसुस भयो?
