धनगढी । एक्सिस विद्याश्रमका विद्यार्थी तथा प्रतिभाशाली नृत्य कलाकार प्रशान्त जोशीले Kailali Dancing Star 2083 को Grand Finale सम्मको यात्रामा हासिल गरेको सम्पूर्ण पुरस्कार तथा जितको रकम बाढीपीडित र अनाथ बालबालिकाको सहयोगमा प्रदान गर्ने घोषणा गरेका छन्।
नृत्य प्रतियोगितामा आफ्नो प्रतिभा प्रस्तुत गर्दै Grand Finale सम्म पुग्न सफल जोशीले आफूले प्राप्त गर्ने पुरस्कार रकम व्यक्तिगत प्रयोजनमा खर्च नगरी सामाजिक सेवामा समर्पित गर्ने बताएका हुन्।
बाढीका कारण प्रभावित परिवार तथा अभिभावकविहीन बालबालिकाको पीडालाई मध्यनजर गर्दै सहयोग गर्ने निर्णय गरेको जोशीको भनाइ छ। उनको यो घोषणाले कला र प्रतिभासँगै सामाजिक उत्तरदायित्व तथा मानवीय सेवाप्रतिको प्रतिबद्धता पनि देखाएको छ।
Kailali Dancing Star 2083 को Grand Finale मा आफ्नो उत्कृष्ट प्रस्तुति दिँदै उपाधिका लागि प्रतिस्पर्धा गरिरहेका जोशीले प्रतियोगिताको नतिजाभन्दा पनि आफ्नो प्रतिभाबाट प्राप्त उपलब्धिलाई समाजका विपन्न तथा पीडित वर्गको हितमा प्रयोग गर्ने प्रतिबद्धता व्यक्त गरेका छन्।
“जित केवल आफ्नो लागि होइन, अरूको जीवनमा पनि खुसी ल्याउन सक्नुपर्छ” भन्ने भावनाका साथ प्रशान्तको यो घोषणा सामाजिक रूपमा प्रशंसनीय कदमका रूपमा हेरिएको छ।
यो खबर पढेर तपाईलाई कस्तो महसुस भयो?
