धनगढी उपमहानगरपालिका वडा न।५ हसनपुरमा रहेको एक्सिस विद्याश्रम माध्यमिक विद्यालयले आयोजना गरेको एक्सिस साहित्य उत्सवमा छन्द कविता वाचन मावितर्फ डिस्कभरी बो.स्कुल प्रथम भएको छ । विद्यालयकी छात्रा प्राप्ति बस्नेतले प्रथम स्थान हाँसिल गरेकी हुन । त्यस्तै सत्यवती एकेडेमी अत्तरीयाका रमेश ओझाले दोश्रो स्थान हाँसिल गरे भने थ्रीस्टार बोर्डिङ स्कुलकी समिक्षा खत्रीले तेश्रो स्थान हाँसिल गरेका हुन ।

कविता वाचनमै आधारभुत तहतर्फ सत्यवति एकेडेमी प्रथम स्थान हाँसिल गरेको छ । एकेडेमीकी ताजश्री मल्लले प्रथम स्थान हाँसिल गरिन । त्यस्तै डिस्कभरी बो.स्कुलकी आयुषा खड्काले दोश्रो स्थान हाँसिल गरिन भने एक्सिस विद्याश्रमका चाणक्य भट्टले तृतिय स्थान हाँसिल गरे । प्रथम,दृतिय र तृतिय स्थान हाँसिल गर्नेहरुले प्रमाणपत्र,मेडल र नगद पुरस्कार प्राप्त गरे ।

सहिद दिवसको अवसर पारी विद्यालयको प्रांगणमा आयोजना गरिएको उक्त कार्यक्रममा कैलाली र कञ्चनपुरका गरी १५ विद्यालयका १०० भन्दा बढी विद्यार्थीहरु सहभागी थिए । पुस्तक समिक्षा,कविता वाचन,स्ल्याम कविता वाचन र लघुकथा वाचन गरी ४ विधामा प्रतियोगीता गराइएको उक्त एक्सिस साहित्य उत्सवमा विद्यार्थीहरुले उत्कृष्ट सिर्जना पस्केका थिए ।

यो खबर पढेर तपाईलाई कस्तो महसुस भयो ?