एक वर्षदेखि ब्रेन क्यान्सरबाट पिडित Rising Star English Boarding School का पूर्व लेखापाल जंगबहादुर बोगटीको उपचारमा सहयोग होस भन्ने हेतुका साथ खाजाखर्च कटाएर त्यहाँ अध्ययनरत विद्यार्थीहरुले आर्थिक सहयोग गरेका छन । बुधबार विद्यार्थीहरुले आफ्नो खाजा खर्च कटाएर रु २०,००० संकलन गरेको विद्यालयका प्रिन्सिपल हरिषचन्द्र शाहीले जानकारी दिए । यस संवेदनशील र दुःखद परिस्थितिमा विद्यालयमा अध्ययनरत सम्पूर्ण विद्यार्थीहरूले मानवीय भावनासहित एक दिनको खाजा खर्च बचाई रु २०,००० सहयोग गर्दा आफूलाई निकै खुशी लागेको र विद्यार्थीहरुमा पनि सहयोग गर्नुपर्छ भन्ने भावना पलाएको र जिम्मेवारी बोध भएको प्रिन्सिपल शाहीले बताए ।

विद्यालयमा अध्यापनरत शिक्षिक शिक्षिकाहरुले पनि ५६,००० भन्दा बढी रकम संकलन गरेर सहयोग गरिसकेका छन । पिडित बोगटी हाल भारतको अहमावादमा उपचारथ छन । करिबन २० लाख भन्दा बढी खर्च भैसक्दा पनि ठिक हुने अवस्था नआएपछि चिकित्सकले निज बोगटीलाई डिसार्ज गरी नेपाल आफन्तकासँग भेटन अनुमति दिइसकेको पारिवारिक स्रोतले बताएको छ । बोगटीलाई नेपाल ल्याइपुर्यायन एम्बुलेन्समा रु १ लाख भाश्र खर्च हुने परिवारजनले भनेपछि हाल पिडित बोगटीका लागि विभिन्न ठाउँबाट आर्थिक सहयोग जुटिरहेको छ ।

यो खबर पढेर तपाईलाई कस्तो महसुस भयो ?