धनगढी ६ मटियारीमा रहेको राइजिङ्ग स्टार बोर्डिङ्ग स्कुलले आधारभुत तहको वार्षिक परीक्षामा उत्कृष्ट नतिजा हाँसिल गरेको छ । धनगढी उपमहानगरपालिकाले शुक्रबार सार्वजनिक गरेको नतिजाअनुसार राइजिङ्ग स्टारका ३.६० देखि ४.०० जिपिएसम्म १० जना,३.२१ देखि ३.५९ जिपिएसमम ७ जना र २.८१ देखि ३.२० जिपिएसम्म १ जना गरी जम्मा १९ जना उत्तीर्ण भएको विद्यालयका संस्थापक प्रिन्सिपल हरिषचन्द्र शाहीले जानकारी दिए ।
पहिलोपटक आधारभुत तहको वार्षिक परीक्षामा सहभागी भएको राइजिङ्ग स्टारबाट २१ जना विद्यार्थी परीक्षामा सहभागी थिए । कलेन्द्र शाही प्रबन्ध निर्देशक रहेको राइजिङ्ग स्टार बोर्डिङ्ग स्कुलले छोटो समयमै धनगढीमा आफ्नो पृथक परिचय बनाइसकेको छ । पढाइसँगसँगै अतिरिक्त क्रियाकलापमा समेत अब्बल रहेको राइजिङ्ग स्टार बोर्डिङ्ग स्कुलले आउँदै गरेको नयाँ शैक्षिक सत्र २०८३ बाट कक्षा ९ को पनि पठनपाठन सुरु गर्ने र त्यसका लागि आवश्यक सम्पूर्ण तयारी पूरा भैसकेको विद्यालयका प्रबन्ध निर्देशक कलेन्द्र शाहीले जानकारी दिए ।
यो खबर पढेर तपाईलाई कस्तो महसुस भयो?
