धनगढी — आपसी सद्भाव, सहयोग र शैक्षिक सहकार्यको भावना अभिवृद्धि गर्ने उद्देश्यसहित एरिष्टो माध्यमिक विद्यालयले धनगढी नमुना माध्यमिक विद्यालयलाई जेनेरेटर प्रदान गरेको छ।
एरिष्टो माध्यमिक विद्यालयकी म्यानेजिङ डाइरेक्टर शान्ति अधिकारीले धनगढी नमुना माध्यमिक विद्यालयका प्रधानाध्यापक खगेन्द्र ओझालाई जेनेरेटर हस्तान्तरण गर्नुभएको हो। हस्तान्तरण कार्यक्रममा दुवै विद्यालयका प्रतिनिधि तथा अन्य व्यक्तिहरूको उपस्थिति रहेको थियो।

शैक्षिक संस्थाहरूबीच आपसी सहयोग, सहकार्य र सद्भावको सम्बन्धलाई थप मजबुत बनाउने उद्देश्यले जेनेरेटर प्रदान गरिएको एरिष्टो माध्यमिक विद्यालयले जनाएको छ।विद्यालयमा विद्युत् आपूर्तिमा हुन सक्ने अवरोधका समयमा पठनपाठन तथा प्रशासनिक कार्यलाई सहज बनाउन जेनेरेटर उपयोगी हुने विश्वास गरिएको छ।
शिक्षण संस्थाहरूबीचको यस्तो सहयोगले शैक्षिक गुणस्तर अभिवृद्धि गर्नुका साथै संस्थागत सहकार्य र सामाजिक उत्तरदायित्वको संस्कृतिलाई समेत प्रोत्साहन गर्ने अपेक्षा गरिएको छ।शिक्षा केवल ज्ञान हस्तान्तरण गर्ने माध्यम मात्र होइन, आपसी सहयोग, सहकार्य र सामाजिक उत्तरदायित्वको भावना विकास गर्ने साझा अभियान पनि हो भन्ने सन्देश यस सहयोगले दिएको छ।