नीजि तथा आवासिय विद्यालय अर्गनाइजेशन नेपाल सुदूरपश्चिम प्रदेश समितिको दोश्रो प्रदेश परिषद भेला सम्पन्न भएको छ । सनिबार धनगढीको होटेल पौवामा एक भव्य कार्यक्रमका बीच प्याब्सन सुदूरपश्चिम प्रदेश समितिका अध्यक्ष सिबी चन्दको अध्यक्षतामा सम्पन्न उक्त परिषद भेलाको प्रमुख अतिथि नीजि तथा आवासिय विद्यालय अर्गनाइजेशन नेपाल ( प्याब्सन ) का अध्यक्ष कृष्ण प्रसाद अधिकारी रहेका थिए ।
प्रमुख अतिथि अधिकारीले देशमा रोजगारी सिर्जना गर्न होस वा आर्थिक गतिविधि चलायमानका लागि नीजि विद्यालयको भूमिका अतुलनिय रहेको बताए । उनले राज्यलाई करोडौं रुपयाँ कर तिर्नेदेखि लिएर बेरोजगारी समस्या समाधानमा पनि नीजि विद्यालयहरु अग्रभागमा रहेपनि राज्यले भने जहिल्यै सौतेनो व्यवहार गरिरहँदा दुख लाग्ने गरेको बताए ।
परिषद भेलामा प्रदेश सचिव तर्कराज भट्राईले सांगठिनिक प्रतिवेदन पेश गरेभने कोषाध्यक्ष भवान सिंह बिष्टले आर्थिक प्रतिवेदन प्रस्तुत गरे । उक्त कार्यक्रममा प्याब्सन केन्द्रिय कार्यसमितिका पदाधिकारी,केन्द्रिय सदस्यहरु,केन्द्रिय सल्लाहकार,प्राज्ञिक सल्लाहकार,पूर्व केन्द्रिय सदस्यहरु,प्रदेशका पदाधिकारी,सल्लाहकार लगायत नौ ओटै जिल्लाका प्रतिनिधिहरुको उपस्थिति रहेको थियो ।
यो खबर पढेर तपाईलाई कस्तो महसुस भयो?
