धनगढीमा १०० भन्दा बढी युवा राप्रपामा प्रवेश गरेका छन । राप्रपाबाट कैलाली क्षेत्र न ५ का उम्मेदवार रोशन शाहीका अनुसार वडा न.७ देवरीयामा आयोजना गरेको पार्टी प्रवेश कार्यक्रममा धनगढीका १०० भन्दा बढी युवा आफूलाई समर्थन गर्न पार्टी प्रवेश गरेको भन्दै आफूमा उत्साह थपिएको बताए ।
पार्टी प्रवेश गर्नेहरुमा नेहाल घिमिरे,आर्यन भट्ट,लक्ष्मण सिंह,सुमित बोहरा,समिर पार्की,धनराज भट्ट,दिपक पौडेल,योगेश खड्का,अबिर सिंह भुल,दिपक जोशी,अरुण थापा,कुलदिप चन्द्र थलारी,तपेन्द्र बोहरा,बिट्टु शाह,धनराज भट्ट लगायत पार्टी प्रवेश गरेको शाहीले बताए ।
कैलाली क्षेत्र न.५ मा माघ ६ गते उम्मेदवारी दर्ता गराएका युवा रोशन अहिले घरदैलो अभियानमा सकृय छन । फर्निचर व्यवसायी शाही कैलाली फर्निचर व्यवसायी संघका उपाध्यक्ष हुन भने कोभिड १९ लगायत विभिन्न पर्यटन सम्बन्धी क्याम्पियनहरुको नेतृत्व गरेका युवा हुन । पहिलोपटक संसदीय निर्वाचन लडिरहेका शाही राजसंस्था सहितको हिन्दुराज्य पुर्नस्थापनाको मुख्य माग सहित चुनाबी मैदानमा होमिएका छन ।
यो खबर पढेर तपाईलाई कस्तो महसुस भयो?
