सिटी अफ किक्रेटको उपमा पाएको धनगढीमा नयाँ क्रिकेट मैदान बन्ने भएको छ । धनगढी उपमहानगरपालिका वडा न.३ फाप्ला मैदान नजिकै करिबन ५ बिगाह क्षेत्रफलमा क्रिकेट मैदान बन्न लागेको हो । सोमबार सञ्चालक द्वय सुवास शाही र मोहन साउँदले सयुंक्त रुपमा उक्त क्रिकेट पार्कको विधिवत शिल्यानास गरेका हुन । ६ वटा पिच रहने उक्त क्रिकेट मैदानमा अन्तराष्ट्रिय मापदण्ड अनुरुप नै न्युनतम ६५ देखि अधिकतम ७५ मिटरसम्म बाउण्ड्री रहने सञ्चालक सुवास शाहिले बताए ।

पर्खाल निर्माणदेखि मैदान सम्याउने सम्मको काम सम्पन्न भैसकेको उक्त मैदानमा आजबाट पिच निर्माणको काम सुरु गरिएको छ । आउँदो तीन महिनाभित्रै सञ्चालनमा ल्याउने गरी काम भैइरहेको उक्त मैदानको पिच निर्माणदेखि सबै प्राविधिक काम रुपन्देहीमा सम्पन्न एष्टाटेक ओभल क्रिकेट मैदान तयार गरेका अन्तराष्ट्रिय पिच क्युरेटर माधव पाठकले गरिरहेका छन ।

शिल्यानासपछि बोल्दै सुवास शाहीले धनगढीको क्रिकेट चलायमान बनाउनका लागि यो मैदानले ठूलो भूमिका खेल्ने बताएका छन । उनले ठूलो लगानीमा बन्न लागेको फाप्ला मैदानको कामपनि इआइ अप्रुभ भएर अगाडि बढिसकेकाले अब बन्दैन की भनेर शंका मान्नुपर्ने कारण नरहेको बताएका छन । शाहीले फाप्ला मैदानमा ठूला प्रतियोगीता गराउँदा वरवर सहयोगी मैदान पनि चाहिने भएकाले निजी लगानीमा यो मैदान निर्माण गर्न लागेको पनि बताए ।

पहिलो चरणमा पिच निर्माण,इरिगेसन र ड्रेनेट प्रणाली जडानको काम हुनेछ । त्यस्तै दोश्रो चरणमा पवेलियन,चेन्जिङ रुम तथा नेट प्राइटिस गर्ने ठाउँ तयार गरिनेछ भने तेश्रो चरणमा प्याराफिट निर्माण र फ्लड लाइट जडानको काम सँगै मैदानको बाहिरपट्टीको भागमा फुड कर्नरदेखि लिएर अन्य व्यवसायिक स्टलहरु पनि तयार गरिने शाहीले बताए ।

पूर्व खेलाडि समेत रहेका शाही डेढ दशकदेखि लगातार क्रिकेटजन्य गतिविधिमा संलग्न छन । एसपिए कपबाट व्यवसायिक क्रिकेटको यात्रा थालनी गरेका शाहीले त्यसपछि नेपालमा पहिलोपल्ट अक्सन बेसमा आधारित धनगढी क्रिकेट लिग हुँदै धनगढी प्रिमियर लिग डिपिएल आयोजना गरे । पछिल्लो समय शाहीले अर्जुन ट्रफी राष्ट्रिय क्रिकेट प्रतियोगीता आयोजना गरिरहेका छन ।

फाप्ला अन्तराष्ट्रिय क्रिकेट मैदान निर्माण तथा खेलग्राम विकास समितिका अध्यक्ष समेत रहेका शाही यस क्षेत्रकै अग्रेणी शैक्षिक संस्था एसपिए कलेजका प्रबन्ध निर्देशक पनि हुन । उक्त एसपिए कलेजले क्रिकेटर शेर मल्ल,कविता कुवँर र नारायण जोशीलाई बा्रण्ड एम्बास्डर बनाएको छ भने एसपिए कलेजकै स्वामित्वमा रहेको ब्रेड बक्स क्याफेले सिनियर क्रिकेटर विनोद भण्डारीलाई पनि एम्बास्डर बनाएको छ ।

यो खबर पढेर तपाईलाई कस्तो महसुस भयो ?