असार ९,धनगढी : चितवन राइनोजले नेपाल प्रिमियर लिग ( एनपिएल ) को दोस्रो संस्करणका लागि अलराउन्डर कुशल मल्लसहित ६ खेलाडीलाई रिटेन गरेको छ। उनलाई पुनः मार्की खेलाडीको रूपमा रिटेन गरेको चितवनले जनाएको छ । कुशलको कप्तानीमा चितवनले पहिलो संस्करणमा प्लेअफसम्मको यात्रा तय गरेको थियो ।
चितवनले कुशलसहित रिजन ढकाल, दीपक बोहरा, अमरसिंह रौउटेला, कमलसिंह ऐरी र गौतम केसीलाई रिटेन गरेको हो । त्यस्तै राइनोजले शरद भेषवाकर,दिपेश श्रेष्ठ, बिपिन रावल,सन्तोष कार्की,रञ्जीत कुमार र ट्यालेन्ट हन्टबाट छनोट भएका खेलाडी सलाउद्दिन खानलाई रिलिज गरेको हो ।
रिटेन्ड खेलाडीहरू
मार्की खेलाडी: कुशल मल्ल
रिलिज भएका खेलाडीहरूनेपाल प्रिमियर लिगको दोस्रो संस्करणका लागि मिनि अक्सन हुनुअघि टोलीहरूले खेलाडी रिटेन र रिलिज थालेका हुन् ।यसअघि सुदूरपश्चिम रोयल्सलेले राष्ट्रिय टोलीका उपकप्तान दीपेन्द्रसिंह ऐरीसहित विनोद भण्डारी, आरिफ शेख, अविनाश बोहरा, इशान पाण्डे र नरेन साउँदलाई रिटेन गरेको थियो ।
नेपाल क्रिकेट संघ क्यानको आयोजनामा गतवर्षदेखि सुरु भएको नेपाल प्रिमिय लिग ( एनपिएल ) ले पहिलो संस्करणमै वाहिवाही कमाएको थियो । ठूला नाम भएका विदेशी खेलाडी,विश्वप्रसिद्ध स्पोर्टस च्यानल स्टार स्पोर्टसबाट प्रत्यक्ष प्रसारण,लोकप्रिय कमेण्टेटर,झकिझकाउ टियु मैदान लगायतका आकर्षणले एनपिएलको पहिलो संकरण नै शानदार भएको थियो । क्यानले दोश्रो संकरणको एनपिएलको छिट्टै घोषणाको तयारी पनि थालेको छ ।
